Guía de San Pedro Alcántara
Comentarios
A Concellería de Seguridade Cidadá do Concello de Ourense, en colaboración coa Policía Local de Ourense, continúa levando a cabo a segunda parte da programación de reforzo da sinalización viaria na cidade. Esta actuación inclúe tanto a reposición daquela sinalización que se atopa en estado defectuoso, como daquela outra que require dun reforzo para garantir unha maior seguridade viaria, tanto para o tránsito peonil como o de vehículos.
Dentro desta a programación, están a levarse a cabo distintas iniciativas e traballos, entre os que salientan:
- Rúa Xesús Pousa: Nova sinalización horizontal dunha nova glorieta (con delimitación de carrís, ceda o paso, frechas direccionais e pivotes).
- Sinalización de prazas de mobilidade reducida na rúa Dalí e na Avenida de Bos Aires.
- Sinalización de prazas de motos na rúa Salvador Dalí e a Avenida de Santiago.
- Cambio de sinalización vertical de perigo, que se atopaba deteriorada, na zona de Pena Trevinca. Tamén se cambiou esta sinalización en Emilia Pardo Bazán e Antón Faílde
- Repintado de pasos de peóns en Río Xares-Río Mao
- Repintado de zonas de carga e descarga así como paradas de autobús en diversas rúas da cidade.
A partir de mañá, se o tempo o permite, modificarase a sinalización vertical e horizontal na rúa Sampaio para converter en sentido único o tramo comprendido entre as rúas Araceli Ancoechea e Xosé Luís López Cid (que deixará de ser de dobre sentido de circulación). Tamén se repintarán os pasos peonís da rúa Xosé Luís López Cid.
Comentarios
Aviso
