O Vinteún acolle este domingo, 3 de abril, a primeira carreira do Correndo por Ourense 2022, con 752 corredores inscritos

O barrio do Vinteún acolle este domingo a primeira carreira do circuíto de carreiras populares que organiza o Consello Municipal de Deportes e que este ano alcanza a súa décima edición.

Así, entre as 10:00 horas e as 12:30 horas estarán pechadas ao tráfico as rúas do circuíto (Madre Soledad de la Cruz, Avenida de Santiago, rúa do Vinteún, río Camba, río Cobas, río Mao e río Corzos), polo que desde o Consello Municipal de Deportes recoméndanlles aos veciños que teñan en conta esta circunstancia para os seus desprazamentos.

Na proba do domingo, día 3 de abril, están inscritos 752 corredores de todas as categorías, sendo as máis concorridas a Máster (314) e Pitufos (165). Serán precisamente os máis cativos os que inicien as saídas (ás 11:00 horas), seguida das categorías sub 10 e sub 12 ás 11:05 horas; ás 11:15 horas sairán as categorías sub 14 e sub 16 e o resto de categorías tomarán a saída ás 11:30 horas.