A Deputación de Lugo presentou na poxa de Seoane do Courel catro xovencas da Granxa Gayoso

O Deputado de Recursos Sostibles e Alcalde de Ribeira de Piquín, Roberto Fernández Rico, e o Deputado de Medio Ambiente e Alcalde de Pedrafita do Cebreiro, José Luis Raposo, participaron este domingo na poxa de xovencas de raza Rubia Galega celebrada no recinto feiral de Seoane do Courel.

A Deputación de Lugo presentou catro exemplares da Granxa Gayoso Castro a este certame, no que participaron gandeiros e gandeiras de diferentes explotacións da provincia e comunidades limítrofes, como Asturias ou Castela e León. O prezo máis elevado ascendeu a 2.650€.