Barakaldok Adimen Artifikaleko ikastaroa eskainiko die berriro adinekoei Deustuko Unibertsitatearen eskutik

Barakaldoko Udalak adinekoentzako adimen artifizialari buruzko ikastaro bat jarriko du martxan berriro. Ekimena ikasturte berria hastearekin batera egingo da, CISen, tailer horien lehen edizioa egin den lekuan, bertan parte hartzen duten hogeita hamar adineko pertsona ingururekin. Ekimena Gizarte Ekintza alorrak gauzatzen du, Mikel Antizarrek zuzenduta, Deustuko Unibertsitateko ikasleen eskutik, adimen artifiziala adinekoen kontua ere badela erakutsiz. "Esperientzia oso positiboa izan da. Ikasleek oso lan interesgarriak egin dituzte eta gaur egun punta-puntako gai teknologiko batean abangoardian egotea ahalbidetzen dieten ezagutzak eskuratu dituzte, Adimen Artifizialarena, hain zuzen ere, eten teknologikoa saihestuz ", adierazi du Amaia del Campo Barakaldoko alkateak.

Ikastaroak 20 saio ditu. Tailer horietan, Adimen Artifizialari buruzko sarrera bat egingo da, kontuan hartu beharreko gai etikoak, legalak eta ingurumenekoak ulertzeko, eta teknologia mota horrekin testuak, irudiak, ahotsa, musika eta bideoak sortzeko tresnen erabileran trebatuko da. Hauek dira landu diren edukietako batzuk.

Proiektu honek aktiboki zahartzearen aldeko apustua egiten du, eta belaunaldien arteko izaera nabarmena du, Deustuko Unibertsitateko Ingeniaritza eta Hezkuntza graduetako ikasleek ematen baitituzte tailerrak. "Ekimena Innobasque Berrikuntzaren Euskal Agentziaren jardunbide egokien bankuan sartu da, zahartze aktiboa ulertzeko modu berritzailea izateaz gain, belaunaldi arteko trukeari balioa emanez prestakuntza antolatzeko moduan aitzindaria delako", adierazi du Del Campok.