O Concello presenta mOUbil - Ourense no peto, unha nova aplicación que ten como finalidade mellorar a interacción coa cidadanía

O alcalde de Ourense, Gonzalo Jácome, e os enxeñeiros Edgar Conde e Ignacio Abadín presentaron esta mañá a nova aplicación mOUbil - Ourense no peto! -, que o Concello pon á disposición da cidadanía, para dar servizo tanto a veciñanza como aos turistas que visitan a cidade. Trátase, explicou o alcalde, dunha APP que ten como finalidade "mellorar a interacción co Concello de Ourense dixitalmente e mellorar todo o que sexa posible a calidade de vida a través da tecnoloxía". O alcalde destacou que "a diferencia doutros concellos que encargan estas aplicacións caras a empresas privadas", esta APP foi desenvolvida polos enxeñeiros do Departamento de Innovación Tecnolóxica e Dinamización Administrativa do Concello.

A app, que forma parte do programa de dixitalización do Concello de Ourense, xa se pode descargar desde App Store e Google Play, compatible coa versión android 6.0 e dispositivos iPhone (5 en diante). e conta con funcionalidades de:

Ademais das persoas que residen na cidade, as e os turistas poderán baixarse a aplicación para recompilar información de interese na súa visita a Ourense.

A aplicación está desenvolvida en 3 idiomas: galego, castelán e inglés. Conta con modo escuro, cunha luz menos prexudicial para a vista e menos consumo de batería, e información de desenvolvedor, políticas de privacidade, contacto e atribucións.

Os enxeñeiros do Departamento de Innovación Tecnolóxica e Dinamización Administrativa (DIT) do Concello avanzaron que seguirán a traballar para incorporar máis funcionalidades futuras á aplicación.